Futzal bo‘yicha O‘zbekiston milliy terma jamoasi 2-3 may kunlari Turkmaniston terma jamoasiga qarshi ikkita o‘rtoqlik uchrashuvi o‘tkazadi.
Qo‘shnilarimizga qarshi har ikki o‘yin Toshkentdagi "Yoshlik" sport saroyida bo‘lib o‘tadi. Uchrashuvlar 17:00da boshlanadi.
Bo‘lajak o‘yinlar O‘zbekiston futzal termasi uchun Turkmaniston poytaxti Ashxobod shahrida yopiq inshootlarda bo‘lib o‘tadigan 2017 yilgi Osiyo o‘yinlariga tayyorgarlik vazifasini o‘taydi.
Ma’lumot uchun, Ashxoboddagi Osiyo o‘yinlari shu yilning 17–27 sentyabr kunlari o‘tkaziladi.
Barcha ishqibozlarni terma jamoani qo‘llab-quvvatlash uchun taklif etib qolamiz.
