"Real" bosh murabbiyi Zinedin Zidan YECHL yarimfinalida "Atletiko"ga qarshi birinchi uchrashuv oldidan fikrlarini bildirdi.
"Bu o‘yin qanchalik muhim ekanini bilamiz. Biz javob uchrashuvi bo‘lmaydi deya, oxirgi daqiqalargacha yaxshi o‘ynashimiz kerak. Faqat ertangi o‘yin haqida o‘ylashimiz kerak.
Muxlislarimiz o‘tgan dam olish kuni singari bizni qo‘llaydilar deb umid qilamiz, ular bizga katta yordam berishdi, ular bizning ustunligimiz. Biz ularga muhtojmiz.
"Atletiko" bizga ham boshqa jamoalarga bo‘lgani kabi muammolar yaratdi. Ularning kuchi shundaki, nima bo‘lganda ham hech qachon taslim bo‘lmaydilar.
Diyego Simeone fenomenal ish olib bordi. "Atletiko" o‘zining kchli tmonlaridan maksimum foydalanadi.
Har doimgiday, raqibimizdan ko‘ra bitta ko‘proq gol urishga harakat qilamiz", - deydi Zidan.
