"Yuventus" markaziy himoyachisi Jorjo Kyellini "Monako" ustidan qozonilgan g‘alabadan so‘ng o‘z fikrlari bilan o‘rtoqlashdi.

"Safardagi 2:0 bu – juda ham ajoyib natija. Bundan xursandmiz, ammo agar xohlasak, bundan ham kuchli o‘yin ko‘rsata olamiz.

Jamoamiz himoyadan o‘ynadi va imkon bo‘ldi deguncha hujumchilarimizga vaziyat yarishga harakat qilyapmiz. Dani Alves va Iguainga o‘z tabrigimni yo‘llamoqchiman.

Raqiblarimizda ham bir-qator vaziyatlar bo‘ldi, ammo Buffon yuqori darajadagi o‘yin namoyish etdi.

Maqsadimiz finalga qiqish va bunga juda yaqinlashib qoldik. Ammo ikki yil oldingi kabi natijani qayd etmoqchi emasmiz. O‘sha mag‘lubiyatdan so‘ng biz deyarli har kuni yanada kuchayishga erishdik" - deydi Kyellini.