“Manchester Yunayted” kecha Vigoda “Selta” ustidan g‘alabaga erishdi, ammo klub safida Eshli Yang jarohat olib maydonni erta tark etdi. Ma’lum bo‘lishicha yarim himoyachi mushak paylarini jarohatlab olgan.

Mirror nashrining xabariga ko‘ra, Yang yakshanba kuni bo‘lib o‘tadigan “Arsenal”ga qarshi uchrashuvni o‘tkazib yuboradi. Shuningdek Eshli mavsumni qolgan qismini ham to‘liq o‘tkazib yuborishi mumkin.

Eslatib o‘tamiz, “Yunayted” lazaretida ayni payt Lyuk Shou, Markos Roxo, Zlatan Ibragimovich kabi futbolchilar bor.