Bugun oliy liga 9-tur uchrashuvlari bo‘lib o‘tadi.
Jumladan, “Nasaf” G‘uzorda Farg‘onaning “Neftchi” jamoasi bilan bahs olib boradi. Uchrashuv “G‘uzor” markaziy stadionida soat 18:00da boshlanadi.
Quyida bugungi uchrashuvning rasmiylari bilan tanishing.
O‘zPFL, 9-tur
“Nasaf” (Qarshi) – “Neftchi” (Farg‘ona)
06.05.2017. “G‘uzor” markaziy stadioni. 18:30da
Bosh hakam: Viktor Serazetdinov (Toshkent)
Qanot hakamlari: Farux Yarmuxamedov, Baxodir Baxromov (ikkalasi ham Toshkentdan)
Zaxira hakami: Asker Najafaliyev (Toshkent)
Nazoratchi: Artyom Arutyunov (Toshkent)
O‘zPFL vakili: Sherzod Rajabov
Bugun jamoalar oliy ligadagi o‘zaro 41-uchrashuvda maydonga tushishadi. Bungacha ular milliy chempionatimizda 40 marta o‘zaro bahs olib borishgan. Bo‘lib o‘tgan uchrashuvlarda "Nasaf" 16 marta g‘alaba qozongan. 15 uchrashuvda “Neftchi” jamoasining qo‘li baland kelgan. Qolgan 9 uchrashuvda murosa ko‘chasi tanlangan. To‘plar nisbatida kichik ustunlik "Nasaf" tomonida - 53:49.
Jamoalar Qarshida o‘zaro 20 uchrashuvda maydonga tushishgan. Bo‘lib o‘tgan 13 uchrashuvda “Nasaf”ning qo‘li balan kelgan, 6 uchrashuvda farg‘onaliklar g‘alabaga erishgan. Qolgan birgina uchrashuvda durang natija qayd etilgan. Qarshida o‘tkazilgan uchrashuvlarda darvozalarga jami 55ta gol kiritilgan. To‘plar nisbati 36:19ni tashqil etmoqda. Ustunlik "Nasaf" tomonida. “Neftchi” jamoasi so‘nggi bor 2012 yili Qarshida g‘alabaga erishgan.
“Nasaf” ushbu uchrashuvga puxta tayyorgarlik ko‘rdi. Bugun muxlislar qiziqarli va mazmunli o‘yin guvohiga aylanishlari aniq.
