"Buxoro" - "Sho‘rtan" (2:0) uchrashuvidan so‘ng mezbonlar bosh murabbiyi Ulug‘bek Baqoyev o‘z fikrlarini bildirdi.
"Bugungi o‘yin ancha asabiy ruhda kechdi. Daslabki bir nechda vaziyatlardan unumli foydalana olmadik va shu sababli futbolchilar asabiylashishdi. Uchrashuvlarga ayrim yo‘qotishlar bilan yetib kelayapmiz va shu sababli tarkibda ba’zi o‘zgarishlarni amalga oshirishga majbur bo‘lmoqdamiz.
Bugun bizni chiroyli tarzda qo‘llab-quvvatlab turgan muxlislarimizga rahmat aytmoqchiman. Biz har bir uchrashuvga faqat g‘alaba uchun maydonga tushamiz, biz hech bir raqibdan qo‘rqmaymiz, biz ularni hurmat qilamiz. Ivor Vayser bugungi kunda Toshkentda davolanish bilan band, shifokorlar qo‘llaridan kelgancha harakat qilishmoqda. Uni "Paxtakor"ga qarshi uchrashuvgacha sog‘ligini tiklab olishi uchun harakat qilishmokda", - deydi Baqoyev.
