«Manchester Yunayted» klubining sobiq yulduzi Rayan Giggz faoliyati davomida ruhiy muammolardan azob chekkanini aytdi.
«Tan olishim kerak, futbol menga hech qachon yoqmagan. «MYU»da bosim juda kuchli edi. Agar o‘yin yakunlanishiga 10 daqiqa qolganida 3:0 hisobida oldinda bormasak, hech narsa hal bo‘lmaganini anglab turardik. Xotirjamlikni unutib o‘ynashga majbur edik.
Asosiy tarkibga kirmay qolsam yoki yomon o‘ynasam, tushkunlikka tushganman. O‘zimni hech kimga kerak emasdek his qilganman.
Ba’zan sendan 30ta dastxat yoki 30ta selfi so‘rab qolishadi, boshqa kuni esa hech kim oldinga kelmaydi. Ba’zida seni maqtashadi, ba’zida haqorat qilishadi. Noaniqlik meni tushkunlikka solgan» - dedi Giggz The Telegraph xabarida.
