Angliyaning “Vest Bromvich” klubi bosh murabbiyi Londonning “Chelsi”ga qarshi o‘yindan oldin intervyu berib o‘tdi. Ma’lumki, “Chelsi” bu o‘yinda zafar quchsa APL chempionligini nishonlashi mumkin.

Bu haqda Pyulis yaxshi biladi va osonlikcha taslim bo‘lish niyatida emas.

“Uchrashuvda “Chelsi” uchun uch ochko muhim, ammo biz buni osonlik bilan topshirib qo‘ymoqchi emasmiz.

Bugun faqat uchrashuv jangovar va qiziqarli o‘tishi uchun maydonga tushamiz. Antonio Konte bundan boshqa narsani kutmayotgani aniq.

Konte va shogirdlarining bu mavsum oltin dubl qayd etish imkoniyati borligi uchun tan berish lozim. Ular bunga to‘laqonli haqlidir.

Bu mavsum ular eng barqaror jamoa bo‘lishdi va bizning maydonga chempionlikni rasmiylashtirish uchun kelishmoqda.

Biz esa o‘z navbatida eng kuchli o‘yinimizni ko‘rsatishga harakat qilamiz. Bizning muhlislar oldimizda o‘z majburiyatlarimiz bor”, - deydi Pyulis.