Англиянинг “Вест Бромвич” клуби бош мураббийи Лондоннинг “Челси”га қарши ўйиндан олдин интервью бериб ўтди. Маълумки, “Челси” бу ўйинда зафар қучса АПЛ чемпионлигини нишонлаши мумкин.
Бу ҳақда Пьюлис яхши билади ва осонликча таслим бўлиш ниятида эмас.
“Учрашувда “Челси” учун уч очко муҳим, аммо биз буни осонлик билан топшириб қўймоқчи эмасмиз.
Бугун фақат учрашув жанговар ва қизиқарли ўтиши учун майдонга тушамиз. Антонио Конте бундан бошқа нарсани кутмаётгани аниқ.
Конте ва шогирдларининг бу мавсум олтин дубль қайд этиш имконияти борлиги учун тан бериш лозим. Улар бунга тўлақонли ҳақлидир.
Бу мавсум улар энг барқарор жамоа бўлишди ва бизнинг майдонга чемпионликни расмийлаштириш учун келишмоқда.
Биз эса ўз навбатида энг кучли ўйинимизни кўрсатишга ҳаракат қиламиз. Бизнинг муҳлислар олдимизда ўз мажбуриятларимиз бор”, - дейди Пьюлис.