«Manchester Yunayted» yulduzi Ueyn Runi bo‘sh vaqtini qimor o‘ynab o‘tkazishi ma’lum bo‘ldi.

The Sun xabariga ko‘ra, Manchesterdagi kazinolardan birida 2 soat qimor o‘ynagan Runi 500 ming funt mablag‘ini yutqazib qo‘ygan. Futbolchi bu vaqt oralig‘ida bir necha krujka pivo ichishgayam ulgurgan.

Manbaning ma’lumotiga ko‘ra, Ueyn xotini Kolin bilan janjallashib qolgan bo‘lishiyam mumkin. Chunki Runi kazinoda pullarni sovurayotgan paytda uning oilasi dam olish uchun sayohatga chiqib ketgan. Ueyn bilan Kolin orasida avval ham futbolchining qimor o‘ynashi yuzasidan janjallar chiqib turgan.