"Bugungi o‘yinga jiddiy tayyorgarlik ko‘rgan edik. Futbolchilarimga bugungi bahs uchun minnatdorchilik bildiraman. Og‘ir vaziyatda o‘yin tizginini o‘z qo‘llariga ola bilishdi. Bugungi jamoalar teng kuchli sanalishadi. Bugun har ikkala jamoa futbolchilari qo‘pol emas, agressiv o‘yin namoyish etishdi desak xato bo‘lmaydi. Men o‘z futbolchilarim bilan faxrlanaman.

Birinchi bo‘limdan keyin Baqoyev bilan tortishib qoldik, shu sababli bizga kizil kartochka ko‘rsatildi. Biz uchrashuv paytida raqibmiz, futboldan keyin esa xuddi aka-ukadek bo‘lamiz.

Bugun bizning darvozamizga uchta penalti qo‘yildi, darvozabonimiz Asilbek Omonovga so‘nggi penaltini qaytara olgani uchun minnatdorchilik bildiraman.

Inson hayotda xato qilishi tabiiy, bugun hakamlar ham ba’zi xatolarga yo‘l qo‘yishdi. Ularni harakatlarini baholaydigan nazoratchilar bor, shu sababli men ularning qarorlarini muhokama qilmayman.

"Buxoro"ga omad tilayman", - deydi Mo‘minjonov.