.JPG)
«Atletiko»ning fran-siyalik forvardi Kevin Gameyro L`Equipe nashriga bergan intervyusida nega aynan Madrid klubiga ko‘chib o‘tgani, Zlatan Ibragimovich undan nima so‘ragani va Unai Emeri bilan qanday suhbatlashish lozimligi haqida so‘z yuritdi.
- 2013 yili Ispaniyaga kelganingizdan so‘ng o‘yiningizda qanday o‘zgarish kuzatildi?
- Joyimni to‘g‘ri o‘zgartira boshladim, zarur paytda to‘xtashni o‘rgandim. Yoshlik paytingda u yoq-bu yoqqa shoshib, hamma yerga ulgurishni xohlaysan. Endilikda qachon va qayerda to‘pni so‘rash lozimligini bilaman.
- Dastlabki ispaniyalik murabbiyingiz Unai Emeridan nima o‘rgandingiz?
- U individual tarzda ko‘proq ishlashimni so‘radi. Avvallari mehnatkash futbolchi emasdim.
- Samarali uzatmalaringiz soni ko‘paydi...
- Fransiyada asosiy e’tiborim darvozani ishg‘ol qilishga qaratilardi. Ispaniyada esa ko‘pincha hujum tashkil etilishida ham qatnashyapman.
- Darvoza tomon yo‘llanayotgan zarbalaringiz esa kamaydi.
- Buning uchun ko‘p tanqidlarga uchrayapman. Ammo men shunaqaman, qulayroq vaziyatda turgan sherigimga to‘p uzatishni ma’qul ko‘raman.
- «Atletiko»da himoyaga ham yordam berishingiz kerak, shundaymi?
- Ha, buning natijasida hujumga qo‘shilishga kuch qolmaydi. Me’yorni qidiramiz - «Atletiko»da asosiysi, yugurish, mehnat qilish kerak. Shundagina gollar ham, o‘yindan rohatlanish ham bo‘ladi.
- Himoya chizig‘idagi harakatlardan ham huzur olasizmi?
- Yo‘q, mening ishim - hujum qilish!
- Antuan Grizmann mudofaaga ko‘maklashayotganda xuddi gol urgandek rohatlanishini aytgandi.
- Yo‘q, bunaqasi menga yot! Bir safar murabbiy «Sening vazifang - kamida raqibdan uch marta to‘pni olib qo‘yish», degandi. Men esa shunga o‘rgandim.
- Diyego Simeonedan bunday gapni eshitib hayron qolgandirsiz?
- Shunday desa ham bo‘ladi, axir men hujumchiman. Ammo boshqa iloj yo‘q, bu mutaxassis o‘z aytganini qilib, o‘yinchilarni ruhlantirishni biladi.
- Undan nima o‘rgandingiz?
- Himoyada o‘ynashga ko‘nikdim, quvvat oldim, futbolga mehrim oshdi. Simeone hamisha zafar quchishni istaydi.
- U o‘yindan oldin qanday holatda bo‘ladi?
- Ancha xotirjam. Futbolchilarga qisqa nutq so‘zlaydi, o‘yin paytida esa bir zum tinmaydi.
- «PSJ»da Zlatan Ibragimovich bilan o‘ynagansiz. U qanday sherik?
