«Bavariya» yarim himoyachisi Frank Riberi tez orada Turkiya chempionatiga yo‘l olsa ajabmas.

«Trabzonspor» 34 yoshli futbolchi bilan kelishuvga erishdi va shartnomaning shaxsiy bandlari bo‘yicha bir to‘xtamga kelib olishdi. Unga ko‘ra Riberi bonuslarni qo‘shib hisoblaganda yiliga 3 million yevro maosh oladi.

«Bavariya» fransiyalik futbolchisini qo‘yib yuborish uchun 8,5 million yevro so‘rayotgandi turklar esa, 5 million yevrogacha taklif qilishdi. Ammo yakuniy qaror hali qabul qilinmagan.

Riberining nemislar bilan shartnomasi 2018 yil yoziga qadar mo‘ljallangan.

2007 yili Germaniya klubi safiga qo‘shilgan futbolchi bu vaqt davomida jamoa bilan 19ta yutug‘ni qo‘lga kiritgan.