«Manchester Siti» klubi «Benfika» darvozaboni Ederson Morayesni xarid qilishga yaqin turibdi.
A Bola xabariga ko‘ra, «Manchester Siti» braziliyalik 23 yoshli futbolchi uchun 35 mln funt to‘lashga tayyor. Bu esa darvozabonlarning transferi bo‘yicha dunyo rekordidir. Avvalgi ko‘rsatkich «Yuventus» posboni Janluiji Buffonga tegishli bo‘lib, 2001 yilda u «Parma» klubidan 33 mln funt evaziga o‘tgan edi.
Joriy mavsumda Ederson Portugaliya chempionatining 27 o‘yinida maydonga tushib, 18ta o‘yinda o‘z darvozasi dahlsizligini saqlab qolgan.