«Манчестер Сити» клуби «Бенфика» дарвозабони Эдерсон Мораесни харид қилишга яқин турибди.
A Bola хабарига кўра, «Манчестер Сити» бразилиялик 23 ёшли футболчи учун 35 млн фунт тўлашга тайёр. Бу эса дарвозабонларнинг трансфери бўйича дунё рекордидир. Аввалги кўрсаткич «Ювентус» посбони Жанлуижи Буффонга тегишли бўлиб, 2001 йилда у «Парма» клубидан 33 млн фунт эвазига ўтган эди.
Жорий мавсумда Эдерсон Португалия чемпионатининг 27 ўйинида майдонга тушиб, 18та ўйинда ўз дарвозаси даҳлсизлигини сақлаб қолган.