«Arsenal» bosh murabbiyi Arsen Venger tez orada klub rahbarlari uning kelajagi haqida qaror chiqarishini aytdi.
«Biz har doim o‘zgarishlarni istaydigan jamiyatda yashamoqdamiz. Biroq futbol – to‘g‘ri qaror qabul qilishni talab etadi. Har bir jamoa ommaga yoqadigan emas, balki samarali qaror qabul qilishi lozim.
Kengash klubni kim boshqarishi haqida qaror qabul qiladi. Agar meni tanlashsa, u holda qolish yoki ketish haqida o‘ylab ko‘raman va bu haqda bir qarorga kelaman.
Muxlislar tanqidi? Men kechirimli insonman. Ishim shuni taqozo etadi. Men insonlarga ishonch bildiraman. Agar kechirimli bo‘lmasang, ishonch bildira olmaysan» - dedi Venger.
Joriy mavsumda «Arsenal» APL jadvalida 5-o‘rinni egalladi va Angliya kubogini qo‘lga kiritdi.
