O‘zbekiston terma jamoasi hujumchisi Tyemurxo‘ja Abduxoliqov Tailandga (2:0) qarshi o‘tkazilgan o‘rtoqlik o‘yinidan so‘ng, o‘z fikrlarini bayon qildi.
Futbolchi zaxiradan maydonga tushib, 68-daqiqada hisobni ochgan edi.
«Bugun gol urib, g‘alaba qozonishimiz kerak edi. Buni amalga oshirganimizdan xursandman. Tailand ham jiddiy raqib ekan. Ular JCH-2018 saralashining uchinchi bosqichiga chiqqanini bekorga emasligini isbotlashdi.
Albatta bu o‘yin avvalo Eronga qarshi tayyorgarlik vazifasini o‘tab berdi. Tehrondagi o‘yinga jiddiy tayyorlanmoqdamiz. Hozircha hammasi o‘z qo‘limizda. Agar eng yaxshi o‘yinimizni namoyish qilsak, g‘alaba qozonishimiz mumkin» - dedi Abduxoliqov.
