"Chelsi" hujumchisi Mishi Batshuayi yozgi transferlar chog‘ida klubini o‘zgartirishi mumkin. Belgiyalik futbolchi RMC Sport nashriga intervyu berib, taqdiri o‘z qo‘lida emasligini aytdi.
"Men o‘z taqdirim xo‘jayini masman. "Chelsi" meni sotib olgan va ndi ular nima istasalar shuni qiladilar. Terma jamoa yig‘inidan kelganimdan so‘ng, transferlar bo‘yicha bir nechta qo‘ng‘iroqlar kutyapman, shuningdek, rahbariyat va agentim bilan uchrashmoqchiman. Ko‘proq o‘ynashni istayman, gollar urmoqchiman, bular jahon chempionatida o‘ynashimga imkon beradi", - deydi Batshuayi.
23 yoshli hujumchi 2016 yilda "Marsel"dan 39 mln yevroga sotib olingan edi. Shundan buyon Batshuayi 29 ta rasmiy o‘yin o‘tkazib, 11 ta gol urdi va 3 ta golga to‘p oshirdi.
