Oliy liganing 13-turidan o‘rin olgan “Bunyodkor” – “Qo‘qon-1912” (2:1) uchrashuvidan keyin mehmonlar ustozi No‘’mon Hasanov o‘z fikrlarini bildirdi.

– Chiroyli o‘yin bo‘ldi. Tomoshabinlar uchun ochiq futbol namoyish etildi. Har ikkala jamoa gol urish uchun yetarlicha imkoniyatlarga ega bo‘ldi. Ammo biz ikkinchi golni urishda biroz oqsadik. O‘yin uchun yigitlarimizga katta rahmat aytaman. Qo‘qondan kelgan minglab ishqibozlarga tashakkur bildiraman. Keyingi uchrashuvlarda bor kuchimizni sarflab ularni xursand etishga harakat qilamiz.

“Bunyodkor” bugun hujumda ko‘pchilik bo‘lib o‘tgani jamoamiz himoyachilarini biroz shoshiltirib qo‘ydi. Shu boisdan ham ularni hujumlarini bartaraf etishda muammolarga duch keldik.

Mag‘lubiyatsiz seriyani buzilgani baribir kishini dilini xira qildi.

Ikkinchi davrada ham jamoa tarkibini kuchaytirishga harakat qilamiz. Javohir Sidiqov masalasi? Menimcha, Javohir Sidiqov jamoada qoladi.

– Filipp Rayevasga “Nasaf” hamda “Qizilqum” jamoalari qiziqayapti. Ikkinchi davrada ushbu futbolchini yo‘qotib qo‘yishdan qo‘rqmayapsizmi?

– Bu futbolchini o‘zim olib kelganman va Rayevas jamoamizda qoladi. Uning xizmatlari evaziga jamoamiz ushbu mavsumda muvaffaqiyatli o‘ynamoqda. Rayevasni “Nasaf” yoki “Qizilqum”ga qo‘yib yubormaymiz. Bu qiziqish haqida birinchi marotaba eshitib turibman.