Portugaliya terma jamoasi bosh murabbiyi Fernandu Santush KK-2017 musobaqasidan o‘rin olgan Meksikaga (2:2) qarshi o‘yindan so‘ng o‘z fikrlarini aytdi.
«Meksika yarimhimoyasi biznikidan ustun keldi. Bugun to‘pni aniq oshirishda qattiq oqsadik. Raqib bizni juda ko‘p yugurishga majbur qildi. Biz esa hujumda ijodkorlik qilmadik.
Jelson Martinshni tushirib o‘yin tezligini oshirdim. Andre Silva tushganidan so‘ng, meksikaliklarning jarima maydoniga yaqinlasha oldik.
Golli vaziyatlar bizda ko‘proq bo‘ldi, ammo so‘nggi daqiqada gol o‘tkazib yubordik. Bu futbol. Meksikani tabriklayman» - dedi Santush.
