Ramazon oyi munosabati bilan «Dinamo» klubi qarorgohida iftorlik dasturxoni yozildi.
Klub rahbariyati tomonidan tashkil etilgan xayriya tadbirida Samarqand futboli faxriylari, muxlislar, viloyat futbol jamoatchiligi vakillari va jamoa a’zolari ishtirok etishdi. Iftorlik oldidan yig‘ilgan mehmonlar murabbiy va futbolchilar bilan suhbatlashib, o‘zlarini qiziqtirgan savollariga javob olishdi.
Xalqimizning milliy va diniy qadriyatlariga ko‘ra, Qur’on tilovati bilan boshlangan Iftorlik dasturxonida yoshi ulug‘ faxriy otaxonlar, yig‘ilganlar duoga qo‘l ochib, ro‘zai Ramazon kunlarida ko‘rsatilgan ehtirom va saxovatpeshalik uchun minnatdorchilik bildirib, «Dinamo» jamoasiga omad tilab qolishdi.
