«Barselona» hujumchisi Lionel Messi yana bir mojaroga o‘ralashib qolishi mumkin.

ABC xabariga ko‘ra, futbolchi bolalarga yordam jamg‘armasini ochib, u orqali 10 mln yevro mablag‘ni yashirishga muvaffaq bo‘lgan.

Manbaning ma’lumotiga ko‘ra, 2007 yilda ochilgan jamg‘arma o‘z daromadlarining katta qismini hisobotlarga kiritmagan. Katta ehtimol bilan, bu jamg‘arma Messi va uning oilasi daromadlarini yashirishga xizmat qilgan.

Jamg‘arma 2007 yili Ispaniyada jamoat tashkiloti sifatida ro‘yxatdan o‘tgan. 2009 yilda esa Argentinaning Messiga qadrdon bo‘lmish Rosario shahrida o‘z vakolatxonasini ochgan. Messi va uning otasi turli xil shartnomalarga imzo chekkan. Ammo bu haqda tegishli idoralarga hech qanday hisobot berilmagan. Natijada, uch yil davomida hisobot bermagani uchun Argentina moliya vazirligi tashkilotni o‘z ro‘yxatidan o‘chirib yuborgan.

ABC fikriga ko‘ra, Messining jamg‘armasi xayriya ishlari bilan shug‘ullanmasdan, daromadlarni yashirishga uringan.