Futbol bo‘yicha O‘zbekiston Oliy ligasida 2017 yilgi mavsumning birinchi davrasi o‘z yakuniga yetdi. Bu vaqtga kelib xorij klublari O‘zbekiston jamoalaridan futbolchi xarid qilganicha yo‘q.
Transfermarkt.de saytiga asoslanib, Oliy ligada to‘p surayotgan futbolchilar narxi bilan qiziqib ko‘rish mumkin. Bunda 13 ta gol bilan chempionat to‘purari bo‘lib turgan Marat Bikmayev to‘rtinchi raqamli futbolchi ekani oydinlashadi.
Chempionatning eng qimmat futbolchisi esa «Paxtakor» a’zosi Igor Sergeev hisoblanadi. Mavsum boshidan buyon bor-yo‘g‘i 4 ta gol urgan, O‘zbekiston milliy terma jamoasi safida esa gol urishni «esidan chiqarib qo‘ygan» futbolchi million funtdan qimmatroq turadigan Oliy liganing yagona a’zosi bo‘lib turibdi.
Quyida Top—10 futbolchi bilan tanishish mumkin.
Islom To‘xtaxo‘jayev, «Lokomotiv» — 425 ming funt
Yurisa Bulyat, «Paxtakor» — 425 ming funt
Eldor Shomurodov, «Bunyodkor» — 510 ming funt
Aleksandr Lobanov, «Paxtakor» — 510 ming funt
Kaxi Maxaradze, «Lokomotiv» — 510 ming funt
Dragan Cheran, «Nasaf» — 510 ming funt
Marat Bikmayev, «Lokomotiv» — 510 ming funt
Sardor Mirzayev, «Lokomotiv» — 595 ming funt
Ignatiy Nesterov, «Lokomotiv» — 723 ming funt
Igor Sergeev, «Paxtakor» — 1,36 million funt
