Angliyaning amaldagi chempioni keraksiz futbolchilarni sotib, yaxshi daromad olishga usta ekanini namoyish qilmoqda.
2017 yilda «Chelsi» 7 nafar futbolchisini sotib, umumiy hisobda 128 mln funt ishlab oldi. Eng ko‘p pul Oskarning Xitoyga qilingan transferidan tushdi – 60 mln funt. Natan Ake «Bornmut»ga 20 mln funt, Xuan Kuadrado «Yuventus»ga 17 mln yevro, Asmir Begovich 10 mln funtga, Bertran Traore 8,8 mln funt, Kristian Atsu 6,4 mln funt, Patrik Bemford 6 mln funtga sotildi.
Yaqin orada jamoani Diyego Kosta va Nemanya Matich ham tark etishi mumkin. Ularning transferidan qo‘shimcha 100 mln funt ishlab olish imkoniyati bor.