“Neftchi” – “Bunyodkor” uchrashuvidan keyingi matbuot anjumaning ikkinchi qismida farg‘onaliklar ustozi ishtirok etdi.

- Chiroyli o‘yin bo‘ldi, lekin natija biz uchun yaxshi emas. O‘rinbosarlar tarkibidagi uchrashuvlarni kuzatib, bir nechta yoshlarni ko‘z ostimga olib qo‘ygandim. Bugun ana shundaylarning to‘rttasiga imkon berdim. O‘ylashimcha, ular yomon taassurot qoldirishmadi. Har xolda ilk bor asosiy tarkibda maydonga tushishganini inobatga olish kerak. Harakatlarimiz ikkinchi bo‘limda yaxshi tus oldi. Biroq ikkita gol o‘tkazib yuborganimiz chatoq bo‘ldi. Himoya chizig‘i kutilgan o‘yinni namoyish qila olmayapti. Davralar oralig‘ida tarkibni imkon qadar kuchaytiramiz. Biroq kimning hisobiga, degan savol qiynamoqda. Chunki yozgi tanaffus paytida yaxshi futbolchilarni topish juda mushkul vazifa, - deydi Vadim Abramov.