Rossiya premyer-ligasi klubi o‘zbekistonlik futbolchilardan birini o‘z safiga qo‘shib olishi mumkin.
Bu haqda OFK sobiq komissari Alisher Nikimbayev o‘z tvitterida yozdi.
«Tez orada Rossiya premyer-ligasida to‘p suradigan o‘zbekistonlik futbolchilar soni yana bittaga ko‘payadi. Kamtargina klub. Lekin shu ham futbolchimizga tramplin vazifasi o‘tashi kerak. Yangilikni kuting», - deb yozdi Nikimbayev.
Nikimbayev aynan qaysi futbolchi qaysi jamoaga o‘tishi haqidagi savolni ochiq qoldirgan.
Katta ehtimol bilan gap «Bunyodkor» futbolchisi Dostonbek Hamdamov yoki Eldor Shomurodov haqida ketmoqda. Avvalroq, Hamdamov «Axmat», Shomurodov esa SSKA klubi ko‘rigida bo‘lib qaytgandi.
