Россия премьер-лигаси клуби ўзбекистонлик футболчилардан бирини ўз сафига қўшиб олиши мумкин.
Бу ҳақда ОФК собиқ комиссари Алишер Никимбаев ўз твиттерида ёзди.
«Тез орада Россия премьер-лигасида тўп сурадиган ўзбекистонлик футболчилар сони яна биттага кўпаяди. Камтаргина клуб. Лекин шу ҳам футболчимизга трамплин вазифаси ўташи керак. Янгиликни кутинг», - деб ёзди Никимбаев.
Никимбаев айнан қайси футболчи қайси жамоага ўтиши ҳақидаги саволни очиқ қолдирган.
Катта эҳтимол билан гап «Бунёдкор» футболчиси Достонбек Ҳамдамов ёки Элдор Шомуродов ҳақида кетмоқда. Аввалроқ, Ҳамдамов «Ахмат», Шомуродов эса ЦСКА клуби кўригида бўлиб қайтганди.
