Moskvaning «Lokomotiv» klubi yarimhimoyachisi Jyefferson Farfan Dyusseldorf shahrida tunab ketildi.

Elcomercio xabariga ko‘ra, futbolchi avtomobilini turargohda qoldirib, magazinga kirib ketganidan so‘ng, noma’lum shaxslar uning orqa oynasini sindirib, barcha narsalarini o‘g‘irlab ketgan.

O‘z navbatida futbolchi bu ko‘ngilsizlikka e’tibor qaratmaslik lozim deb hisoblamoqda.

«Noxush voqealarni jilmayib qarshi olish kerak. Bir necha kun oldin salbiy tajriba orttirdim, bu men uchun dars bo‘ldi. Biroq, endi hammasi o‘tmishda qoldi» - deb yozdi Farfan feysbuk sahifasida.