Hujumchi Anri Onikuru iyun oyida “Everton” a’zosiga aylandi. Hujumchi qishda unga 48 ta jamoa qiziqqanini ma’lum qildi.
“Yanvar”da menga 48 ta jamoa taklif bildirgandi. Ular orasida “Seltik”, shuningdek, APLning ko‘plab jamoalari bor edi. Men hatto “PSJ”da tibbiy ko‘rikdan o‘tganman. Biroq fransuz jamoasida menga ikki soat ichida qaror qabul qilishimni aytishdi. Men esa doim Angliyada o‘ynashni istaganman”, — dedi u.
Onikuru “Eypen” tarkibida 60 ta o‘yin o‘tkazib, 30 ta gol urgan va 11 ta golli uzatmaga mualliflik qilgan.
