Tailandda kimyo fani bo‘yicha 80 mamlakat orasida o‘tkazilgan olimpiada musobaqasida o‘zbekistonlik o‘quvchilar 3 ta bronza medalni qo‘lga kiritishdi. Bu haqda Facebook foydalanuvchilaridan biri o‘z sahifasida ma’lum etdi.
 
“Azizlar, olis Tailanddan xushxabar keldi. 80 mamlakat vakillari ishtirokida o‘tkazilgan kimyo fani bo‘yicha jahon olimpiadasida qatnashayotgan o‘zbekistonlik talabalar 3 ta bronza medalga sazovor bo‘lishibdi. Ulardan ikkitasini Toshkent tibbiyot pediatriya institutining 2-liseyi o‘quvchilari olishgan.


 
Lisey direktori Ortiqboy Eshonqulovning axborotiga ko‘ra, bu lisey o‘quvchilarining xalqaro olimpiadalardagi 37-medalidir.
 
Eng quvonarlisi, Tailandga borgan to‘rt o‘quvchidan uch nafari medalga musharraf bo‘lishdi. Bunday iqtidorli yoshlarni tarbiyalayotgan pedagoglarga, ustoz va murabbiylarga va albatta, ularning ota-onalariga ming rahmat! Barakalla, yurt sharafini hamisha baland ko‘taring, yoshlar!”, deya post qoldirgan Facebook foydalanuvchisi Husan Ermatov.