Pul olmaydigan odamning o‘zi yo‘q, berishni bilmaydigani bor. Siz bu jumlani eshitgansiz va ishonamanki, mag‘zini ko‘p marta chaqib ham ko‘rgansiz.
O‘zbekiston milliy terma jamoasi manfaatlar to‘qnashuvi orasida qolib ketgani uchun ham uni asosan tanqid qildik. Hatto o‘sha g‘alabali o‘yinlari ham fikrimizni o‘zgartirmadi. Chunki bunda Jahon chempionati yoki bosh jamoaning kelajagidan ham ko‘ra muhimroq ishlar bor bo‘lib, Samvel Babayanning terma ruliga kelishidan boshqa bir hikmatni topib bo‘lmasdi.
Eldor Shomurodov atrofidagi ishlar bu boradagi fikrlarimni yanada mustahkamladi deb ayta olaman. Menda hozir hech qanday shubha yo‘q, bosh jamoa Babayanning shaxsiy tomorqasiga aylanib bo‘lgan. Bunga taklif etilayotgan futbolchilar yo Samvel bilan kelishib ishlashi kerak yoki unga tarkibdan joy topib berilmaydi.
Odil Ahmedov “Anji”ga pullanganida u qaysi kompaniya bilan hamkorlik qilganini yaxshi bilasiz. Transfer ancha jo‘yali bo‘lgan va buning ortidan “Paxtakor” hisob raqamiga yaxshigina pul kelib tushgan. O‘sha vaqtlarda Babayan “Paxtakor”ni boshqarganidan kelib chiqsak, u jamoasi uchun qayg‘urishga majbur edi. Keyinroq Ahmedovning o‘zi ham bo‘sh kelmadi va Rossiya Premyer-ligasida yo‘qolib qolgani yo‘q.
Oradan ko‘p o‘tmay Eldor Shomurodov ham o‘sha kompaniya bilan shartnoma imzoladi. Bu holat uning milliy terma jamoaga jalb etila boshlanganidan so‘ng amalga oshdi. Ya’ni, bevosita hujumchi Babayan tashlagan to‘rga
