«Oltin to‘p»ni har yili bir futbolchi qo‘lga kiritadi. Shu bois sovrinni juda ko‘plab futbolchilar qo‘lga kirita olishmagan. Garchi ular bir necha yil mobaynida barqaror o‘yin namoyish qilishgan bo‘lsalar ham. Quyidagi maqola so‘nggi yillarda «Oltin to‘p»ni qo‘lga kiritmagan, biroq ushbu sovringa loyiq bo‘lgan futbolchilar haqida.

Paola Maldini
Faoliyatining 25 yilini «Milan»ga bag‘ishlagan Paola Maldini «Oltin to‘p»ga da’vogarlar uchligiga bir marta kirgan. 2003-yilda «Milan» Yevropa Chempionlar ligasida g‘olib chiqqan edi. O‘sha yili himoyachi uchun ham ancha omadli kelgan. Maldini yil yakunlariga ko‘ra «Oltin to‘p» so‘rovnomasida faxrlin 3-o‘rinni qo‘lga kiritgan. Uning himoyachi ekanligini inobatga olsak, bu yomon natija emas.

Raul
Raul ham «Oltin to‘p»ga nomzodlar uchligiga bir marta kirgan. 2001 yilda u sovringa juda yaqin kelgan edi. Biroq oltindan yasalgan to‘p «Liverpul» hujumchisi Maykl Ouenga nasib qildi. Raul esa kuchli uchlikka boshqa kirmadi. Shunday bo‘lsa ham u 10 yildan ortiq vaqt mobaynida barqaror o‘yin namoyish qilib muxlislar qalbidan o‘rin oldi.

Tyeri Anri 
Anri «Oltin to‘p»ni qo‘lga kiritishga ikki marta yaqin kelgandi. 2003 yilda u sovrin uchun kurashda Chexiyalik Pavel Nedvedga yutqazib «kumush to‘p» bilan taqdirlangan bo‘lsa, 2006 yilda jahon vise-chempioni 2 ta jahon chempionidan keyingi 3-o‘rinni qo‘lga kiritdi. Anri balki faoliyatining gullab yashnagan davrida «Real» yoki «Barselona»da to‘p surganida, ushbu sovrinni qo‘lga kiritgan bo‘larmidi.

Lemaprd 
Frenk Lempard mana bir necha yildirki barqaror o‘yin namoyish qilmoqda. Angliyalik yarim himoyachi 2005 yilda «Oltin to‘p»ni olishi mumkin edi. U jamoasi bilan birga nihoyat 50 yillik tanaffusdan so‘ng yana Angliya chempionligini qo‘lga kiritgan edi. Biroq Lempard so‘rovnomada Ronaldinodan keyingi ikkinchi o‘rinni egalladi va «kumush to‘p» bilan taqdirlandi. Frenk uchun ham «Oltin to‘p» armonga aylandi.

Jerard
Stiven butun faoliyatini «Liverpul»ga bag‘ishladi. U o‘z vaqtida «Real»ga o‘tib ketishi ham mumkin edi. Biroq «qizillar»ga bo‘lgan sadoqati uni bu yo‘ldan qaytardi. Jerard 2005-yilda Istanbul «mo‘jizasi»ni yaratib jamoasi bilan birga Chempionlar ligasida muvaffaqiyat qozondi. Yil yakunlariga ko‘ra esa u «Oltin to‘p» sovrini uchun nomzodlar uchligiga kirdi va 3-o‘rinni egalladi. Jerardga ushbu mukofotni qo‘lga kiritish uchun jamoaviy sovrinlar kamlik qildi desak aslo mubolag‘a bo‘lmas edi.

Davomi>>