Yangi hafta boshidan Toshkentda yig‘in boshlagan Farg‘onaning “Neftchi” jamoasi 18 iyul kuni Navoiyning “Qizilqum”iga qarshi o‘rtoqlik bahsida ishtirok etdi.
Bellashuvda navoiylik futbolchilar 3:0 hisobida g‘alabaga erishishdi.
Birinchi bo‘limda raqib tarkibidan Ilhom Yunusov 11 metrlik jarima to‘pini aniq amalga oshirdi. Jamoalar tanaffusga “Qizilqum”ning hisobdagi kichik ustunligi bilan yo‘l olishdi.
Ikkinchi bo‘limda nisbatan “Neftchi” ancha jonlandi va hisobni tenglashtirish uchun bir qator xavfli vaziyatlar yuzaga keldi. Biroq hisob o‘zgarmay qoldi. Navbatdagi golga ham “Qizilqum” vakillari egalik qilishdi. Nodirxon Kamolov bellashuvdagi ikkinchi golga mualliflik qildi. Uchrashuv bosh hakami keyingi bo‘limda ham “Neftchi” darvozasiga penalti qo‘ydi. Bu safargi urinishni Samandar Shodmonov aniq amalga oshirdi.
O‘yin teng kurashlar ostida kechdi. Biroq vaziyatlardan foydalanish borasida omad “Neftchi”ga kulib boqmadi. Shu tariqa anchayin o‘zgargan va yangi tarkib bilan ikkinchi davraga jiddiy xozirlik ko‘rayotgan “Neftchi” ilk nazorat bahsida mag‘lubiyatga uchradi.
Vadim Abramov shogidlarining yig‘indagi navbatdagi raqibi “Qo‘qon-1912” klubi sanaladi. Mazkur bellashuv 21 iyul kuni o‘tkaziladi.
“Qizilqum” – “Neftchi” 3:0 (1:0)
Gollar: Ilhom Yunusov – 1:0, Nodirxon Kamolov – 2:0, Samandar Shodmonov – 3:0.
“Qizilqum”: Artyom Makosin, Shukur Po‘latov, Akmal Rustamov, Otabek Zokirov, Fayzullo Qambarov, Maksim Yurku, Sherali Jo‘rayev, Ilhom Yunusov, Server Jeparov, Nodirxon Kamalov, Otabek Isroilov
Zahira: Erkin Jabborov, Viktor Grigoryev, Feruz Boboqulov, Samandar Shodmonov, Akram Bahriddinov, Xumoyun Abdumo‘minov, G‘ayrat Jo‘mayev
“Neftchi”: O‘tkir Yusupov, Jasur Hasanov, Kamron Kapadze, Muhsin Ubaydullayev, Temur Hakimov, Muzaffar Muzaffarov, Bobur Davlatov, Abdurahmon Abdulhaqov, Umid To‘ychiboyev, Alisher Shog‘ulomov, Otabek Haydarov
Zahira: Abdumavlon Abdujalilov, Avazbek O‘lmasaliyev, Dilyor Irmatov, Jahongir Sakiyev, Javohir Rasulov, Karen Abramov, Mo‘ydin Mamazulumov, Rizo Ayvazov
