Davralar oralig‘idagi tanaffus chog‘ida «Qo‘qon-1912» tarkibida bir qator o‘zgarishlar yuz berdi.
Jamoani uch nafar futbolchi tark etgan bo‘lsa, safga ikki nafar yangi o‘yinchi kelib qo‘shildi.
Xususan, Muzaffar Abdullayev, Ruslan Melziddinov va Sobir Hamidov klubni tark etishdi. Tan olish lozim, ushbu futbolchilar jamoamizning ravnaqiga munosib hissa qo‘sha olishdi. “Qo‘qon-1912” jamoasi bu futbolchilarga hamkorlik uchun minnatdorchilik bildirib, keyingi faoliyatiga omad va zafarlar tilab qoladi.
Jamoani tark etgan futbolchilar o‘rni yangi futbolchilar bilan to‘ldirildi. Qo‘qonlik futbol muxlislarining yoqimtoyiga aylangan Quvondiq Ro‘ziyev yana “Qo‘qon-1912” ga qaytdi. Shuningdek, “Obod” jamoasidagi yorqin o‘yinlari orqali ishqibozlar mehrini qozongan Doniyor Hasanov ham ikkinchi davrani “Qo‘qon-1912”da o‘tkazadigan bo‘ldi. Bundan tashqari, ma’lum vaqt “Dinamo” ko‘rigida bo‘lgan Andrey Sidorov jamoaga qaytib keldi.
