«Borussiya» D yarimhimoyachisi Usmon Dembele yana bir mavsum davomida Germaniya chempionatida to‘p surmoqchi ekanini aytdi.
Avvalroq, iqtidorli futbolchining «Real» yoki «Barselona»ga o‘tishi haqida xabarlar chiqqan edi. Tomas Tuxelning iste’fosidan chuqur qayg‘uda ekanini gapirgan futbolchining o‘zi bu mish-mishlarni keltirib chiqargandi.
«Mening transferim haqidagi gap-so‘zlarga qiziqmayman. Dortmund menga yoqadi. Men bu jamoaga o‘tishdan oldin obdon o‘ylab olganman. Shuningdek, Obameyangning qolgani ham meni xursand qildi. U bilan aka-ukadek bo‘lib qolganmiz» - dedi Dembele Goal xabarida.
