«Боруссия» Д яримҳимоячиси Усмон Дембеле яна бир мавсум давомида Германия чемпионатида тўп сурмоқчи эканини айтди.
Аввалроқ, иқтидорли футболчининг «Реал» ёки «Барселона»га ўтиши ҳақида хабарлар чиққан эди. Томас Тухелнинг истеъфосидан чуқур қайғуда эканини гапирган футболчининг ўзи бу миш-мишларни келтириб чиқарганди.
«Менинг трансферим ҳақидаги гап-сўзларга қизиқмайман. Дортмунд менга ёқади. Мен бу жамоага ўтишдан олдин обдон ўйлаб олганман. Шунингдек, Обамеянгнинг қолгани ҳам мени хурсанд қилди. У билан ака-укадек бўлиб қолганмиз» - деди Дембеле Goal хабарида.
