Neymar «Barselona»ni tark etishi mumkinligi haqidagi xabarlar so‘nggi kunlarning eng asosiy mavzusi bo‘lib turibdi. Muxlislarni klub braziliyalik hujumchining ketishiga uncha qarshilik ko‘rsatmayotgandek tuyulayotgani ajablantirishi mumkin. Biroq kataloniyaliklarda Lionel Messidek futbolchi borligi va u yaxshi formadaligi eslansa, bu holat tushunarli bo‘lishi mumkin.
«Barselona»dagi barcha Neymarning qolishini xohlayotgani turgan gap. 25 yoshli hujumchi jamoadagi ko‘pchilik bilan yaxshi do‘stlashgan, shuningdek, u ayni damda jahonning eng yaxshi uch futbolchisidan biridir. Ammo u jamoadan ketgan taqdirda ham bu klub uchun fojea bo‘lmasligi aniq.
Xalqaro Chempionlar Kubogi doriasida Mayamida bo‘lib o‘tgan «Real»ga qarshi o‘yinda asosiy tarkibda maydonga tushgan Neymar o‘zining ajoyib holatda ekanligini ko‘rsatishda davom etdi. Braziliyalik futbolchi Rakitichga golli uzatma berdi, Pikening goliga olib kelgan hujumni boshlab berdi, shuningdek madridliklar darvozasi oldida o‘zi ham qator qulay vaziyatlarga ega bo‘ldi.
Shunday bo‘lsa ham, ushbu o‘yinda Lionel Messi dirijyorlik qildi. Besh karra «Oltin to‘p» sohibi o‘yin boshidayoq «Barsa»ni hisobda oldinga olib chiqib, ajoyib to‘p uzatishlari bilan o‘yinni yanada qiziqarliroq qilishga hissa qo‘shdi. Neymar esa adashgan vaziyatlar ham bo‘ldi – lekin bu uncha ahamiyatli emas, chunki bu shunchaki mavsumoldi o‘yini edi.
Ahamiyatlisi – ikki haftadan keyin ikkala jamoa o‘rtasida Ispaniya Superkubogi doirasida bo‘lib o‘tadigan o‘yindir. U paytda Neymar ham jamoani tark etgan bo‘lishi mumkin bo‘ladi. Amalda, Mayamidagi «El Klasiko» Luis Enrike tomonidan «futbol tarixidagi eng kuchli trio» deya ta’riflangan MSN uchligi so‘nggi marta maydonga tushgan o‘yin sifatida ham qolishi mumkin.
«U «Barselona»dan ketsa,
