«Barselona» Neymarning PSJ klubiga o‘tayotganini tasdiqladi.
Football Espana xabariga ko‘ra, braziliyalik futbolchi jamoa tarkibidagi so‘nggi, xayrlashuv o‘yinini o‘tkazish haqida o‘ylamoqda. Uning rejasiga ko‘ra, bu «Shapekoense» klubiga qarshi Joan Gamper kubogi bahsida yuz beradi. O‘yin 7 avgust kuni o‘tkaziladi.
Eslatib o‘tamiz, Joan Gamper kubogi har yili mavsum boshlanishidan oldin o‘tkaziladigan an’anaviy o‘yin hisoblanadi. Bu yilgi bahsda deyarli barcha a’zosi aviahalokatda qurbon bo‘lgan va yangidan tashkil qilingan Braziliyaning «Shapekoense» klubi ishtirok etadi.
