"Paxtakor" bosh murabbiyi Shota Arveladze yangi futbolchi Rostin Griffits haqida fikrlarini bildirdi.
"Griffits juda tajribali futbolchi. U bizning ikkinchi davra oldidan oxirgi transferimizga aylandi. Osiyolik o‘yinchi uchun joyni aynan u bilan to‘ldirdik. Rostin bilan kelasi yil oxirigacha shartnoma tuzildi.
Biz hujumkor o‘yin ko‘rsatishga intilamiz. Lekin zamonaviy futbolda himoyani ham esdan chiqarmaslik zarur. Jamoada barqarorlik bo‘lishi kerak. Shundagina ko‘zlangan maqsadlarga erishsa bo‘ladi.
Klubda barcha - Prezidentdan tortib xodimlargacha superklub tuzish uchun intilyapmiz. Klub tanlagan yo‘l o‘zgarmaydi" - dedi Arveladze.
