11 avgust kuni 1979 yil aviahalokatda hayotdan ko‘z yumgan “Paxtakor” jamoasi a’zolarini yodga olish tadbirlari o‘tkaziladi. Bu haqda “Paxtakor” klubi matbuot xizmati xabar berdi.
Soat 9:00da “Paxtakor” stadioni hududidagi yodgorlik oldida marosim boshlanishi ko‘zda tutilgan. Shundan keyin “Botkin” qabristonidagi majmuada tadbir davom ettiriladi.
O‘tganlarni xotirlash munosabati bilan “Paxtakor” futbol klubi va O‘zbekiston yoshlar ittifoqi Toshkent shahar Kengashi hamkorligida “Paxtakor-79” jamoasini xotirlash aksiyasi o‘tkazilmoqda.
#paxtakor1979 xeshtegi ostida 1979 yil aviahalokat natijasida hayotdan ko‘z yumgan jamoa a’zolarini yodga olish maqsadida tashkil qilingan aksiya 11 avgust kuni Toshkentning turli joylarida o‘tkazilishi ko‘zda tutilgan.
Unda “Paxtakor-79” jamoasi a’zolari yodga olingan yozuvlar yordamida sobiq jamoa esga olinmoqda.
Ushbu aksiyada “Feysbuk”, “Tvitter” va “Instagram” ijtimoiy tarmoqlarida suratingizni #paxtakor1979xeshtegi bilan joylab, ishtirok etishingiz mumkin.
