Ayni damda Neymar transferi tinchigach, uning o‘rnini Mbappe transferi egalladi. Eng qizig‘i, bu safargi mojaroning asosiy ishtirokchisi ham “PSJ”. Aftidan, fransuz klubi har mavsum xalqaro musobaqalarda omadsizlikka uchrayverib, charchagan shekilli, bu safar transferlarga katta e’tibor qaratyapti. Al-Xelayfi esa istalgan kuchli futbolchini o‘z tomoniga og‘dirishga usta ekanligini yashirmayapti.
Shu paytga qadar Mbappe agar “Monako”dan ketsa, faqatgina “Real”ga o‘tishi aytilgandi. Hatto Mbappening o‘zi ham buni tasdiqlagandi. Biroq Nosir al-Xelayfining jaraq-jaraq pullari va katta va’dalari Mbappening boshini aylantirdi va “PSJ”ga o‘tishga rozi bo‘ldi. Futbolchi uchun
