«Tottenhem» futbolchilari rahbariyatning transfer siyosatidan norozi bo‘lgan himoyachi Denni Rouzni qo‘llab-quvvatladi.
Avvalroq, futbolchi: «15 yillik faoliyatimdan so‘ng birorta sovrinsiz qolishni istamayman. Vaqt o‘tib bormoqda, men unvonlarni yutib olmoqchiman. Jamoamiz yaxshi futbolchilarni xarid qilishi tarafdoriman, saviyasi past futbolchilar kerak emas. Bundan tashqari, o‘zimning narximni juda yaxshi bilaman va o‘zimga mos maosh olishni istayman» - degan edi.
«Tottenhem» klubining ko‘pchilik futbolchilari Rouzning klub transfer siyosati va maoshlarning cheklab qo‘yilishi haqidagi bu fikrlariga qo‘shilishini ma’lum qilgan.
Ayni paytda, «Tottenhem» Angliyaning top-4 liga jamoalari ichida yangi futbolchi xarid qilmagan yagona klub bo‘lib qolmoqda.
