«Тоттенҳэм» футболчилари раҳбариятнинг трансфер сиёсатидан норози бўлган ҳимоячи Дэнни Роузни қўллаб-қувватлади.
Аввалроқ, футболчи: «15 йиллик фаолиятимдан сўнг бирорта совринсиз қолишни истамайман. Вақт ўтиб бормоқда, мен унвонларни ютиб олмоқчиман. Жамоамиз яхши футболчиларни харид қилиши тарафдориман, савияси паст футболчилар керак эмас. Бундан ташқари, ўзимнинг нархимни жуда яхши биламан ва ўзимга мос маош олишни истайман» - деган эди.
«Тоттенҳэм» клубининг кўпчилик футболчилари Роузнинг клуб трансфер сиёсати ва маошларнинг чеклаб қўйилиши ҳақидаги бу фикрларига қўшилишини маълум қилган.
Айни пайтда, «Тоттенҳэм» Англиянинг топ-4 лига жамоалари ичида янги футболчи харид қилмаган ягона клуб бўлиб қолмоқда.
