“Bunyodkor” – “Olmaliq” uchrashuvidan keyingi matbuot anjumanining birinchi qismida olmaliqliklar ustozi ishtirok etdi.
- Himoya chizig‘ida yo‘l qo‘ygan birgina xato mag‘lubiyatga olib keldi. Birinchi taymda shogirdlarim xuddi o‘rtoqlik uchrashuvi o‘tkazishayotgandek tuyuldi. Ikkinchi bo‘limda nisbatan yaxshiroq o‘ynadik, deya olaman. Bugun yomon o‘ynab ham ochko ishlashimiz mumkin edi. Biroq oldingi chiziqda yaratilgan vaziyatlarni golga aylantiradigan futbolchi yetishmadi. Ikkinchi davra startini ham xuddi mavsum avvalidagi kabi muvaffaqiyatsiz boshladik. Keyingi uchrashuvlarda ochkolar jamg‘arishga harakat qilamiz, - deydi Viktor Balyutovich.
