Bugun Yoshlar ligasi 18-tur doirasida “Nasaf” hamda “Bunyodkor” o‘zaro bahslashishdi.
Uchrashuv qiziqarli va murosaiz kurashlarga boy bo‘ldi. Bu uchrashuvda har ikkala jamoaning asosiy tarkib o‘yinchilari ham maydonga tushishdi.
Uchrashuv boshidan “Bunyodkor” jamoasi yoshlari hisobda oldinga o‘tib olishdi. Nodirbek Mavlanov jarimadan oshirib berilgan to‘pni darvozaga joylab qo‘ydi – 0:1.
25-daqiqaga kelib hisob tenglashdi. Bobir Abduxoliqov darvozabon bilan birga-bir vaziyatga chiqib borayotgan bir paytda Mavlanov uni to‘xtatib qoldi. Uchrashuv hakami mehmonlar darvozasiga 11 metrlik jarima to‘pi belgiladi. Sirojiddin Qo‘ziyev penaltini aniq bajardi – 1:1
Uchrashuvning 48-daqiqasida Rasul Yuldashev mehmonlarni hisobda oldinga olib chiqdi – 1:2. 76-daqiqada Ilhomjon Alijonov hisobni tenglashtirishga erishdi – 2:2.
O‘yinga qo‘shib berilgan daqiqalarda Akmal Mozgovoy mezbonlar uchun g‘alaba to‘pini kiritishga erishdi - 3:2.
Yoshlar ligasi 18-tur
17.08.2017. Yoshlar qarorgohi maydoni
“Nasaf” (Qarshi) – “Bunyodkor” (Toshkent) 3:2 (1:1)
Gollar: Sirojiddin Qo‘ziyev (25 pen.), Ilhomjon Alijonov (76), Akmal Mozgovoy (90) - Nodirbek Mavlonov (2), Rasul Yuldashev (48).
Bosh hakam: Shuhrat Rajabov (Buxoro)
Yordamchi hakamlar: Artem Kalinin, Zufar Eliboyev (ikkalasi ham Qarshidan)
Zaxira hakami: Ravshan Abduvoxidov (Qarshi)
Nazoratchi: Sardor Ismoilovich Najafaliyev (Toshkent)
“Nasaf”: 30.Muzaffar Sharipov (s), 6.Sirojiddin Qo‘ziyev (14.Jahongir Qurbonboyev 90+2), 7.Dilshod Saitov (5.Akmaljon Olimov 53), 22.Islom Rashidxonov (33.Xudoyorxon Sagdullayev 71), 15.G‘olib G‘aybullayev, 16.SHerzod Nasrullayev, 28.Sardor Sadullayev (96.Dadajon Mamatqulov 85), 34.Ilhomjon Alijonov, 36.Akmal Mozgovoy, 38.Doniyorjon Narzullayev, 45.Bobir Abduxoliqov (18.Alfayzi Ne’matov 46).
Zaxira: 1.Umid Ergashev, 4.Jo‘rabek Mannonov.
“Bunyodkor”: 25.Murodjon Zuhurov (1.Eldor Adxamov 46), 6.Sardor Sobirxo‘jayev (77.SHohruh Hikmatov 72), 7.Vohid Shodiyev (19.Jahongir Abdusalomov 46), 9.Farruh Ikromov (17.Javohir Musajonov 60), 10.SHohro‘z Norxonov (11.Rasul Yuldashev 46), 14.Abdumalik Abdullayev, 21.Davronbek Umirov (4.Suhrob Izzatov 46), 22.Rustamjon Ashurmatov (71.Otabek Bekboyev 64) (s), 26.Abubakr Muydinov, 29.Tursunboy Rahimberdiyev, 33.Nodirbek Mavlonov.
Ogohlantirish: Islom Rashidxonov (11), Sirjiddin Qo‘ziyev (40), Akmal Mozgovoy (79) - Rustamjon Ashurmatov (17), Shohro‘z Norxonov (37), Rasul Yuldashev (74), Jahongir Abdusalomov (83).
