"Bunyodkor” futbol maktabining 2002 yilda tavallud topgan futbolchilari Xitoydagi turnirning yarimfinaliga yo‘llanma olishdi.

Guruh bosqichining so‘nggi turida mahalliy “Urumchi” jamoasi bilan guruh peshqadami nomiga oydinlik kiritildi. Bungacha o‘tkazilgan ikki tur natijasiga ko‘ra, har ikkala jamoaning ochkolari soni 6tani tashkil etardi. Qiziqarli kechgan bahsda kuchlar teng keldi – 0:0. Shu tariqa, bunyodkorchilar to‘plar farqiga ko‘ra, birinchi o‘rin bilan chorakfinalga yo‘llanma olishdi.

Chorak finalda Xitoyning “Xi Chen” futbol maktabi tarbiyalanuvchilari 19:0 hisobida mag‘lubiyatga uchratildi.

Shu kuni, Sergey Chigodayev va Timur Boboxonov quyidagi futbolchilarni tarkibga tushirdi: Mo‘minmirzo Qodirov, Sardor Abdurashidxo‘jayev, Xusniddin Ubaydullayev, Jasur Abdulbekov, Jaloliddin Sodiqov, Diyorbek Raximqulov, Abdurauf Bo‘riyev, Mironshox Sattorov, Farruhbek Muxtorov, Otabek Jo‘raqo‘ziyev, Jasurbek Jaloliddinov.
Zaxiradan maydonga tushganlar: Gleb Xarin, Lyubomir Bondarenko, Abbos Ashiraliyev, Quddusbek A’zamov, Bo‘ronbek Mirzasalimov, Ikrom Erkinov, Sarvar Sharipov

“Bunyodkor”ning 19ta goliga Jasurbek Jaloliddinov (4ta), Otabek Jo‘raqo‘ziyev (2ta), Lyubomir Bondarenko (2ta), Sardor Abdurashidxo‘jayev (2ta), Sarvar Sharipov (2ta), Farruhbek Muxtorov, Abdurauf Bo‘riyev, Mironshox Sattorov, Jaloliddin Sodiqov, Diyorbek Rahimqulov, Gleb Xarin va Xurshid Jo‘rayev mualliflik qilishdi.

“Bunyodkor-2002” yarimfinalda Indoneziya jamoasi bilan kuch sinashadi.