Neymarning fantastikadek tuyulgan transferi amalga oshgach, o‘ziga xos «izlanish»larga yo‘l ochildi: «PSJ» tomonidan to‘lanadigan 222 million yevroga aslida yana nimalar xarid qilish mumkin?
Xususan, football.ua sayti xodimlari ham marketing bo‘yicha bilimlarini ishga solib, shuncha pul qanday qimmatbaho narsalarga egalik qilish imkonini berishi yoki nimalarga yetishi masalasida qiziqarli ro‘yxat tuzib chiqishdi.
1. 5ta AH-64 Apache vertolyoti
AH-64 Apache — AQSH armiyasi faxri. Ushbu harbiy texnika shuningdek, Isroil, Gollandiya va Yaponiya armiyasida ham bor. Bitta vertolyotning narxi modifikasiyasiga qarab, 44-51 mln. yevroga teng.
2. 555ta Lamborgini Aventador avtomobili
Aventador 6,5 litr hajmga ega 12 silindrli dvigatel bilan jihozlangan va uning quvvati 700 ot kuchiga teng. Ushbu model atigi 4 ming dona ishlab chiqarilgan, xolos. Avtomobil sur’atini soatiga 350 kilometrga oshirish mumkin. Uning 100 kilometr|soat tezlik olishi uchun esa 2,9 soniya kifoya qiladi. Lamborgini Aventador narxi - chamasi 400 000 yevro.
3. 3ta Boeing 737-70 yo‘lovchi samolyoti
Ushbu samolyot yaqin va uzoq masofalarga mo‘ljallangan tor fyuzelyajli reaktiv havo kemasidir. 1996 yildan Boeing kompaniyasi tomonidan ishlab chiqarilayotgan 737NG sig‘imi bo‘yicha 4 xil variantda: 110 nafardan 210 nafargacha yo‘lovchi oladi. 2014 yilning 16 iyul kuni bahosi 67,5 mln. yevroni tashkil qiluvchi Boeing 737-70ning yubiley - 5000-nusxasi foydalanishga topshirildi.
4. «Shaxtyor» va «Ayaks»ning to‘liq tarkibi
Transfermkt.de portali ma’lumotlariga ko‘ra, Ams-terdamning «Ayaks» klubi trakibidagi barcha futbolchilarning umumiy bahosi 111,2 mln. yevroga teng.
E’tibor bering, gap avvalgi mavsum YEL finalida «MYU»ga qarshi to‘p surgan jamoa haqida ketyapti. Doneskning «Shaxtyor» klubi vakillari esa umumiy hisobda 107,9 mln. yevroga baholangan. Demak, Gollandiya va Ukraina grandlari jami 219 million yevrolik tarkibga egalar.
5. Neymarning 2 960 000 dona yangi futbolkasi
Parijliklar «PSJ» rasmiy do‘konida orqasiga «Neymar» yozuvi tushirilgan klub futbolkalarini sotuvga chiqarib bo‘ldilar. Ushbu formaga egalik qilishni xohlagan kishi 75 yevro to‘lasa, bas.
6. Arsen Vengerning «Arsenal» boshqaruvidagi 25 yillik maoshi
«Kanonirlar»ning abadiydek ustozi ayni payt yiliga 8,9 million funt miqdorida maosh oladi. Shunday ekan, 222 mln. yevro fransuz mutaxassisini 25 yil davomida uzluksiz ish haqi bilan ta’minlashga yetadi.
7. 132 shisha eng qimmatbaho konyak
Henri IV Dudognon yer yuzidagi eng qimmatbaho konyak va alkogol ichimligi sifatida Ginnes rekordlar kitobiga kiritilgan. 2009 yili Dubayda uning bir shishasi uchun 1,7 million yevro to‘langan.
8. 2ta Vodafone Arena stadioni
Vodafone - Istanbulda qad ko‘targan yangi stadion va u «Beshiktosh»ga tegishli. Loyihaning taxminiy bahosi - 104 million yevro. 41 903 muxlisni sig‘diradigan stadion 2016 yilning 10 aprel kuni rasman foydalanishga topshirilgan.
9. «Park de Prens» stadioni VIP-lojasi uchun 84 539 dona abonement
1 dona abonementning bahosi - 2686 yevro. Oddiy sektorlar uchun chiqarilgan yillik abonementni esa chamasi 500 yevroga xarid qilish mumkin.
10. 100 million donadan ko‘p eng qimmatbaho shokolad
Chocopologie by Knipshildt - bu sayyoramizdagi eng narxi baland shokolad. Shirinliklar biznesida 100 yillik tajribaga ega kompaniya 453 grammli mahsulotini 2200 yevroga sotadi.
11. Ukraina premyer-ligasida 20ta jamoani 2 mavsum davomida ushlab turish
Ukraina chempionati mezonlari bo‘yicha bitta jamoaning mavsum davomidagi xarajati o‘rtacha hisobda chamasi 5 million yevroga teng. Demak, bitta mavsumda 100 «limon» evaziga 20ta klubni bemalol moliyalashtirish mumkin.
