UEFA tashkiloti Neymarning "Barselona"dan PSJ klubiga o‘tganidan so‘ng, moliyaviy fair play qoidalarini o‘zgartirishni rejalashtirmoqda.

Bu haqda «Lion» klubi prezidenti Jan-Mishel Olyas xabar bergan.

«Hamma, ayniqsa katta klublar bu xavfni tushunib turibdi. Neymar "Barselona"ning roziligisiz "PSJ" klubiga o‘tib ketdi. Bu juda yoqimsiz voqeadir.

Endi UEFA moliyaviy fair play qoidalarini qaytadan ishlab chiqish masalasini ko‘rib chiqmoqda. Tashkilot Neymarning o‘zi «Barselona»dan 222 mln yevro evaziga shartnomasini sotib olganidan so‘ng, bu borada o‘zgarishlar qilish lozimligini tushunib yetgan.

Neymarning «PSJ»ga ko‘chib o‘tishidan so‘ng, UEFA moliyaviy fair playning yangicha tartibini ishlab chiqishga qaror qildi. Biz klublar o‘z haddini bilishi kerak deb hisoblaymiz.

«Manchester Siti» ham xuddi «PSJ» kabi yo‘l tutishni ko‘zlab yuribdi. Futbol BAA va Qatar o‘rtasidagi o‘zaro kurash va boshqalar amal qiladigan qoidalarga bo‘linib qolmasligi lozim», - dedi Olyas.

Ma’lumot uchun, «Lion» prezidenti Yevropa klublar Assosiasiyasining ijroqo‘mi a’zosi sanaladi va bevosita UEFA ishlab chiqadigan qoidalar va yangicha tartiblardan xabardor bo‘lib turadi.