O‘zbekiston milliy terma jamoasi Toshkentda Jahon chempionati-2018 saralashining so‘nggi 2 uchrashuviga hozirlikni davom ettirmoqda.

Milliy terma jamoamizning oldindagi o‘yinlariga tayyorgarligi xususida “Lokomotiv” jamoasi himoyachisi Islom To‘xtaxo‘jayev o‘z fikrlarini o‘rtoqlashdi.

"Tayyorgarlik jarayonini boshlab yubordik. Oldinda bizni juda muhim va mas’uliyatli o‘yinlar kutyapti. Nasib etsa, ushbu uchrashuvlarda ijobiy natijaga erishib, eng ezgu maqsadimizga yetmoqchimiz. Yig‘inga sekin-asta xorijdagi futbolchilar ham yetib kelishmoqda. Barchaning kayfiyati a’lo darajada. Agar muxlislarimiz bizni duo qilib turishsa, albatta o‘z niyatimizga yetamiz va mundial yo‘llanmasini qo‘lga kiritamiz", – dedi tajribali futbolchi “Lokomotiv” matbuot xizmatiga.