So‘nggi paytlarda ijtimoiy tarmoqlarda soxta akkauntlarning ko‘payishi va ularda asossiz xabarlarning tarqatilishi ortidan O‘zbekiston Futbol Federasiyasi matbuot xizmati quyidagilarni ma’lum qiladi.
O‘zbekiston Futbol Federasiyasi prezidenti Umid Ahmadjonovning ijtimoiy tarmoqlarda akkaunti yo‘q va yaqin orada ochishni ham rejalashtirmayapti.
Federasiya bilan bog‘liq rasmiy bayonotlar, xabar va ma’lumotlar O‘FF rasmiy saytida, O‘FFning ijtimoiy tarmoqlardagi rasmiy akkauntlarida berib boriladi.
O‘zbekiston Futbol Federasiyasi Prezidenti va tegishli rahbarlarga info@the-uff.com elektron pochtasi orqali taklif va mulohaqazalar bilan murojaat qilish mumkin. Federasiya prezidenti va mutasaddi rahbarlar futbol jamoatchiligi, ommaviy axborot vositalari, ishqibozlarning taklif va mulohazalarini eshitishga tayyor.
